Dedh Sayani  (Paperback, Ashfaq Ahmad)

Is kahani se lokpriy sahity ke pattern par Crime Fiction ke hashtag ke antargat ek Crime thriller ki series shuru hoti hai, jiska naayak hai David Francis, jo mooltah Europian pita aur Maharashtriyan maa se janma ek mishrit nasl ka yuwak tha, aur un dono ke maare jaane ke baad pita ki peeche chhodi apaar Sampatti ki badaulat ab apne Jeevan ko apne tareeke se guzaarne ke liye poori tarah swatantr tha. Wo lamba tagda, kisi Hollywood Hero sareekha mardana husn ki ek misaal tha aur apni is khoobi ka faayda apne shauk ko poora karne me uthata tha. Uski Zindgi teen piller par depend thi aur wo unhin ke peeche apni zindgi gark kar lena chahta tha. Wo qudrat ka shaidai tha, Pruthvi ke zarre-zarre me uske liye agadh saundary tha aur wo marne se pahle Pruthvi ke chappe chappe ko dekh lena chahta tha, Yahi wajah thi ki uske kadam kisi ek jagah thamte nahi the. Yeh tha uski zindgi ka pahla piller. Wo Mizajan tharki tha, har wo ladki ya aurat jo uski Bed partner ban sakti, wo use hasil kar lena chahta tha, chahe wo duniya ke kisi bhi hisse ya nasl ki ho. Yeh tha uski zindgi ka doosra piller aur teesra piller tha uski ye khwahish ki uska janm sansaar ke sabhi apradhiyon ke khaatme ke liye hua hai. Bachpan me padhi jasoosi kitabon aur dekhi hui filmon ka us par aisa asar hua tha ki usne khud ko Sherlock Holms aur James Bond ka combined avatar maan liya tha aur har kisi ke phate me taang adana apna param dharm samajhta tha. ‘Dedh Sayani’ Goa ke mahabali ki mazloom beti ki kahani hai, jo apne peechhe apne naam chhhodi gayi karodon ki property ka shraap bhugat rahi thi aur uske dushman kahin bahar nahi the, balki ghar ke andar hi the.David ki mulaqat us ladki se tab hoti hai jab wo pita ke dwara jabran apne gurge se karai ja rahi shadi ke khilaaf, shadi kea in mauke par bhaag khadi hoti hai lekin phir kuchh logon ke hatthe chadh jati hai jo use waapas uske pita ke paas pahunchana chahte hain, lekin apne mizaj ke chalte David unke beech ulajh jata hai aur ek sansanikhej kahani kik shuruaat hoti hai.