Meethe Thug  (Paperback, Shadab Salim)

yah kitaab vyangyon kee kitaab hai, sau chhote bade vyangyon ko sangrahit kar ek jagah rakhe jaane ka prayaas lekhak dvaara kiya gaya hai. maujooda samay mein samaaj mein vyaapt avyavasthaon ko dekhakar vyakti vyathit hota hai, yah avyavastha saamaajik, raajaneetik, aarthik ya dhaarmik hotee hain. vyakti in avyavasthaon ka pratikaar karana chaahata hai lekin bahut se aise kaaran hain jinase vah inakee abhivyakti nahin kar paata hai aur jab aise vichaaron kee abhivyakti na ho tab man klesh ka ghar ban jaata hai, yah klesh vyakti ke bheetar chalata rahata hai. is kitaab mein vyangyakaar us hee abhivyakti ko vyangy ke maadhyam se samaaj ke saamane laane ka prayaas karata hai. baat haasyaprad hote hue gahare sandesh de jaatee hai. aise bahut se vichaar hain jinhen kahane se samaaj rokata hai kintu tark kee kasautee par un vichaaron ko nakaara nahin ja sakata, yah vyangy sangrah aise hee vichaaron kee ek ataichee hai. is kitana kee visheshata yah hai ki kisee bhee sandesh ko samajhane ke lie kisee bade paath kee aavashyakata nahin hai, Is kitaab mein kuchh chhote se chutakule numa vyangy mein hee vah sandesh poora ho jaata hai jis sandesh tak lekhak lekar jaana chaahata hai. yah kitaab ke saare vyangy isake praarambh se lekar ant tak paathak ko pooree tarah baandh kar rakhate hain, is kitaab ko jab paathakon dvaara padha jaega tab shaayad vah apanee baithak se bagair hile pooree padhakar hee uthenge. kisee bhee lekhak ka yah daayitv bhee hota hai ki vah bhaasha ko us star tak le jaane ko prayaas kare jahaan tak paathak ko paathy saamagree se apanatv kee bhaavana aane lage, paathak us paath mein ram jae use yah prateet ho ki jo shabd lekhak dvaara kahe gae hain vah shabd to us hee ke hain, Is kitaab mein lekhak ne apanee is zimmedaaree ko pooree tarah nibhaaya hai, bhaasha ko us star par rakha hai jisase paathak ko vyangy padhate hue apane hee vichaaron kee anubhooti ho. is kitaab ke vyangyon ka lakshy yah hai ki un baaton ko samaaj ke saamane lae jo kisee dabaav mein aajatak anakahee hai lekin vyakti kee peeda us baat ko kahane par aatur hai, is kitaab ko padhate hue paathak ko shabdon aur sandeshon mein apanatv kee bhaavana ka nirmaan ho. kitaab ka paath koee bahut goodhaarth nahin hai, vyangyon kee baat vahee hai jo har aadamee apane rojamarra ke jeevan mein dekhata hai lekin shabdon kee kamee ya lay nahin hone ke kaaran abhivyakti nahin de paata hai. kitaab apane sabhee lakshyon ko poora karatee hai un lakshyon ko jinake lie yah vyangy likhe gae hain. lekhak koee baat apane aasapaas ke jeevan aur aasapaas ke logon ke bheetar se hee laata hai is vyangy sangrah ke vyangyakaar dvaara bhee apane jeevan ke anubhavon se vyangy ke mudde lae gae hain. hansee thitholee mein koee gaharee baat gahara asar karatee hai. hindee mein vyangy vidha adhik puraanee to nahin hai kintu samay samay par vyangyakaaron dvaara achchhe vyangy apane samaaj aur aasapaas ke logon ke aarthik, raajaneetik evan saamaajik jeevan par kahe gae hain. Paakhand aur visangatiyon ke viruddh sabase adhik koee kaaragar upaay hai to vah vyangy hee hai, vyangy ke zarie koee badee kraanti kee aasha bhale na kee jae kintu vyaktigat jeevan par vyangyon ke gahare prabhaav hote hain. yah kitaab paathakon ko hansee thitholee ke saath saamaajik visangatiyon evan paakhand par bejod prahaar karatee nazar aaegee jo nishchit hee kaheen na kaheen koee prashn paathakon ke bheetar paida karegee.