Pushp Saar  (Paperback, Hindi, Dr. Lakshman Jha " Parimal")

‘pushp- saar’ Dr. Lakshman Jha ‘Parimal’ ki pratham sanrachana hai. apane jeevan ke vibhinn pushp rupi anubhutiyon se parabhut hokar, is kavita sangrah mein kavi ne harek vidha ka samavesh kiya hai. kavitaon ke is sangrah mein jeevan ki alag-alag pravasthaon ke ekadhik aabhason ka sachitran hai. prem prasango se virah ki bela tak, prakrti se manav pravrutti tak, vyavaharikata se samajikata tak, rajaniti se jeevan-niti tak, yah kavita sangrah pathakon ke liye sahaj bhasha mein ek sahityik bhet hai. shringar hasya, vyang, karun aur kayi rason mein lipati ‘pushp-saar’ kavi ki chetana se uddharte sachetana ki or le jane vala vinamra prayas hai.