Tumhara Wala Mai  (Hindi, Paperback, Manish Pandey)

Har vyakti ke jeevan me kabhi-kabhi bahut kathin samay aata hai. Aise samay mann me bahut saare sawaal uthne lagte hain. Aisa mere saath hi kyon ho raha hai? Maine to kabhi kisi ka bura nahi kiya... Phir mere saath hi aisa kyon? Aisa kyon hai ki koi to bahut sukhi hai, koi bahut dukhi? Kya sab kuchh bhagya se milta hai? Kya ishwar apni marzi se kisi ko hansate, kisi ko rulate hain? Aise hi bahut sare sawalo ke jawab dhundhti hui, bahut sadharan-si kahani hai. Bahut samanya logo ki, asamanya prashno ke jawaab khojne ki kahani hai. Ho sakta hai, koi aur bhi isi tarah ke sawalo me uljha ho, koi aur bhi is samay mushkilo se nikalne ka rasta khoj raha ho. Ho sakta hai, ye sadharan si kahani padhkar unhe apne jeevan ki dasha aur disha badalne me madad mil sake.