Aadarshini / आदर्शिनी  (Hindi, Paperback, Shambhuka Foundation)

Aadarshini, un mahilaon ki jivani ka ullekhan hai jinhen Shambhuka Foundation dwara sanyojit karykram 'Womania" ke tahat Sovereign tatha Comrade ki upadhi se smmanit kiya gaya hai. yah pustak 'Womania' samman karykram ka ek hissa hai tatha is pustak ka uddeshya aaj ki yuvtiyon ko prerit karna hai. Is kitaab ka pratham uddeshya rashtra ki mahilaon ko safalta ke path pr agrasar krana hai tatha unko yah samjhana hai ki jivan ki badhaen unhen safal hone se nahi rok sakti. Is kitaab me kayi aisi striyon ki jeevan katha ka ullekh hai jinhone har rukavat ka datkar samna kiya aur apne sapno ko pura kiya. vishv ki har mahila me yah takat hai ki vah apna rasta swayam chune aur us path pr nidar hokr chalte rahen. Is pustak ke madhyam se hum un bacchiyon va striyon ko prerit krna chahte hain jinke jeevan ka uddeshya apne sapno ko pura kr safalta ke sath vishv tatha rashtra ko gaurvanvit krna hai. Aaj Bharat me mahilaayen har kshetra me apni gahan pratibha ko nikhar rahin hain tatha apni bhumika bakhubi nibha rahi hain. Chahe vo raajniti ho ya vyavsaay, vigyan ho ya kalaa, ve pratyek kshetra me aage badh rahi hain. Is badalav ne mahilaon ko garima ke sath aage la khada kiya hai. Is kitaab me 70 aisi safal mahilaaon ka ullekh hai, jinhone apni pratibha evam rachnatmakta se apna naam uncha kiya hai. Book By Shambhuka Foundation- Founder President Mr. Anurag Goel