Borsi  (Paperback, Hindi, Pratima Singh)

about the book:- kitane hi drushya parade ke pichhe rah jate hain! kitane kiradar kathanak mein apani jagah nahin bana pate! sach hai, tasveren sab kuch nahin dikhati. kahaniyan sab kuch nahi sunati. in donon mein, beech mein jo rah jata hai, jo chhoot jaata hai, yah kitab un kataranon ko samet kar aage badhati hai. isaki kavitayen hamare andar aur bahar beet rahe ko badi bariki se ukerati hain. inako padhate hue aap apane ganv, ghar ya shahar ko spasht roop dekh sakate hain aur chalate-chalate khud ko bhi mahasoos kar sakate hain. isake two liner bhi gahare tak chhoote hain, jaise- "nahin maaloom use samandar thagega ya aasaman, vah bachchee apane gharaunde ki divaar hamesha nile rang se rangati hai." lekhika ki yah pahali kitab zaroor hai lekin lagatar ghat rahe vaqt ke tamam pahaluon ko unhonne badi sughadata se buna hai. ab yah pathak ke oopar hai ki kaun see baat usake man ke aakaar mein fit hoti hain, kaun see misafit lekin yah zaroor hai ki mahasoosiyat ke is bahav mein pathak ka poora-poora bhigana tay hai. jahan chhichhala samajh ke panv rakhenge, agale hi kshan doobane ki poori sambhavana hai. about the author: Pratima ki yah pahalI prakashit pustak hai. janm moolatah uttar pradesh ke faizabaad zile ke ek chhote-se gaanv sarangapur mein. shurooaatI shiksha ganv mein hi huyi. aage ki padhayee ke liye vah faizabad shahar aa gayin. pratima ne vanijya vishay mein snatak aur arthashastra vishay mein parasnatak ki upadhi saket mahavidyalay se prapt ki. mata shreemati mithilesh ji grihini hain aur pita shree jayaprakash sinh ji peshe se patrakar hain. Pratima ki kavitayen evam kahaniyan tamam pratishthit patr-patrikaon aur kayi online platform par prakashit ho chuki hain. inaki ruchi kavya rachana ke sath-sath film nirman aur katha-patakatha lekhan mein bhi hai. hal hi mein inhonne short film “makhalook” mein sah-nirdeshan kiya hai.