Ek Khwab / एक ख्वाब  (Hindi, Paperback, Anshul Tayal)

Dil se nikale kuch ehasaas jo shabdon mein tabdeel ho gaye, aur ye hi kuch shabd mil kar kavitaon mein tabdeel ho gaye. dil ke saagar mein gote lagaane ki bas koshish si kee meine, aur us saagar se nikale ye kuch shabd mil kar hi moti ho gaye. kavitaon ke is sangrah mein sammilit har kavita mere dil ke bohot kareeb hai, kyonki jaise maalee apane baag ko seenchata hai, sanjo ke rakhata hai, usase laad ladata hai, theek usee prakaar mene bhee in panktiyon ko sirf likha nahin hai, in panktiyon mein chhipe har ek lafz ko jeeya hai, mahasoos kiya, kabhi inhone mujhe kabhi mene inase laad ladaaya hai. zindagi mein jab koi aisa apana mil jaata hai jo aapaki prerana ban sake, jise dekh kar aap duniya bhool jao, jisake ehasaas maatr se chehara khushiyon se bhar jaaye, aisa lage mano baraso kee talaash aur intazaar ko aaraam aur bhatake hue musaafir ko usakee mazil mil gayee ho, to beshak aap apane zidagi ka sabase suhaana pal jee rahe hai. yah suhaana samay jeevan bhar aap ke saath rah sakata hai, bhale hee vo shaksh rah pae ya nahin . kyonki jo yaadon ke motee hote hai vo bhee bohot sundar hote hai, khushiyon ka paigaam kabhee kabhee hee sahee vo bhee la sakate hai, us insaan ka bichhadana dukhadaee zaroor hota hai, par ek doosare ke saath jeene marane kee kasame khaana hee pyaar nahin hai, ek doosare ke lie ek doosare ke bagair rah kar jeena bhee pyaar hai. or isee pyaar ko panktibaddh karake aapake samaksh rakhane kee koshish kee hai mainne “Ek khwab” kavita sangrah se.