God's Existence (Hindi Edition) - God, Faith and Science  (Hindi, Paperback, Ashfaq Ahmad)

Yeh kitab mootah dharm, Ishwar aur is greh par insaan ke avtaran ko tark ki kasauti par parakhne aur is pruthvi se baahar hamare liye kya sambhavnaayen ho sakti hain— is vishay par hai. Insaan ne pruthvi par jeevan kis tarah shuru kiya aur kis tarah aage badhte huye samaj basaye aur kis tarah insaano ke beech dharm ki zaroorat mehsoos hui aur usne un bhagwaano, khudaaon aur aasthaon ko janm diya, jo aaj ke uplabdh gyan aur tark ke aage dharashayi ho jaati hain. Hum jis duniya ko jaante hain, wo three diamensional hai aur isse baahar ham kuchh nahi samajh sakte, jabki isse baahar dheron tarah ki sambhavnayen ho sakti hain aur ye Universe self-made hai ya ise kisi ne banaya hai— Ye jaanne ka hamare paas koi saadhan nahi hai, lekin kai sambhavnayen hain jinhen ham tatol sakte hain. aur kaisa ho ki agar ye maan liya jaayeki wakai koi hai jisne ek prograam ki tarah ise design kiya to wo tamaam tarah ki aasthaon se pare vigyan aur technology ke nazariye se kaisa ho sakta hai.