Hey Ram Gandhi Hatyakand ki Pramanik Padtal  (Paperback, Prakhar Shrivastava, Dr. Meenakshi Jain, Samujjwal Dasgupta)

gandhi hatyaakaand ka sach sirf itna bhar nahin hai ki 30 january 1948 ki ek shaam godase bidla bhavan aaya aur usane gandhi ko teen goli maar di. darasal, gandhi hatyaakaand ko sampoorn rup se samajhane ke liye iske prshthabhoomi ka tathyaatmak adhyayan ati aavashyak hai. is pustak mein gandhi ki hatya se jude ek poore kaal khand ki baariki se adhyayan kiya gaya hai. azadi ke aandolan ka antim daur, muslim logo ki pakistan ki maang, saampradaayik dange, desh ka vinaashakaari vibhaajan, lute-pite sharanaarthiyon ki samasya, muslim tushtikaran ki paraakaashtha, pakistan ko 55 Crore rupye dene ke liye gandhe ka hath, hinduon ke man mein paida hua upeksha aur kshobh ka bhaav, satta aur shakti ke lie Conggres ke tatkaaleen netratv mein padi phoot jaiso ki vajahon se gandhi hatyaakaand ki prshthabhoomi taiyaar hoti hai. godase kie chalai teen goliyon ki tarah ye sab mudde bhi gandhe ki hatya ke liye baraabari se jimmedaar hain. lekin durbhaagy ki baat hai ki jab-jab gandhi ki hatya ki baat hoti hain to in muddon par chuppi saadh li jaati hai. kabhi is vishay par bhi gambhir charcha nahin hoti hai ki “pakistan meri laash par banega” ye kehne vaale gandhie ne vibhaajan ke khilaaph koi aamaran anashan ya koi aandolan kyon nahin kiya? is pustak mein is mudde par tathyon ke saath charcha ki gai hai.