Sadaneera 29  (Paperback, Avinash Mishra, Jey Sushil)

ek patrika ka ek vishesh ank nikaalana ek vyakti ke bas kee baat nahin hotee hai. tab to aur bhee nahin, jab ‘sadaaneera’ ke ank saamaany nahin rah gae hain. ve ek arase hindee mein achhoote vishayon par ekaagr hokar vishesh ho rahe hain. is prasang mein agar ank ‘bahubhaashikata’ par kendrit ho to masala aur bhee jatil ho jaata hai. mool kavi ya lekhak ke likhe ke baad usaka anuvaad aur phir jaakar usamen antarnihit jatilataen... in sabake prakaash mein yah kahana uchit hee hoga ki bahubhaashikata par ank laana chunauteepoorn hai. bhaasha kee seema paar karane ke baad likhe ko ek sootr mein pirona bhee aasaan nahin hai, kyonki is ank ke lie har likhane vaale ko ek aazaadee thee ki unhen jo likhana ho vah likhen, kyonki jinhonne bhee is ank ke lie likha—unake likhe par sadaaneera ko bharosa tha. ek chhota-sa aaidiya tha ki bhaarat ek bahubhaashik desh hai aur ham sab kamobesh bahubhaashik log hain. ham apane badhate rahane ke kram mein yah baat bhool jaate hain aur hamen lagata hai ki do ya teen bhaashaen bolana kathin kaam hai. is kathinata ko roop-aakaar dene kee ek koshish hai sadaaneera ka yah bahubhaashikata ank.